தில் இருந்தா விஜய்யை சிவகார்த்திகேயன் கூட படத்தை ரிலீஸ் பண்ண சொல்லுங்க பாக்கலாம்..! - பிரபல அரசியல்வாதி சவால்..!

சமீப காலமாக ஓய்ந்து கிடந்த யாரு அடுத்த சூப்பர் ஸ்டார் விவகாராம் மறுபடியும் விஸ்வரூபம் எடுத்துள்ளது. 

கடந்த வாரம் பிகில் படத்திற்கு பாராட்டு தெரிவிக்கிறேன் என்று நடிகர் விஜய்யின் அம்மா ஷோபா சந்திரசேகர் அவர்கள் அடுத்த சூப்பர் ஸ்டாராக உன்னை கொண்டாட உலகமே காத்திருக்கின்றது என்று கொளுத்தி போட்டார். 

தொடர்ந்து, நடிகை திரிஷா யூனிசேஃப் விழாவில் நேர்கொண்ட பார்வை படத்தை குறிப்பிட்டு அஜித் தான் சூப்பர் ஸ்டார் என்று கூறினார். 

அதனை தொடர்ந்து, பிரபல இயக்குனரும், அரசியல் கட்சி தலைவருமான சீமான் ரஜினிக்கு அப்புறம் விஜய் தான் என்று விஜயின் மீது அரசியல் வாடையை வீச செய்தார். அப்பாடா, பிரச்சனை முடிஞ்சது டா சாமி என்று இருந்தனர் ரசிகர்கள். 

இப்போது, பிரபல அரசியல் வாதியான சசிகலா புஷ்பா ( இந்த அம்மாக்கு அரசியல் வட்டாரத்தில் இருக்கும் மருவாதியை பத்தி நாங்க ஏதும் புதுசா சொல்லனுமா..? என்ன.? ) ஒரு விஷயத்தை கூறி விஜய்யை இழுத்து தெருவில் விட்டிருகிறார்கள். 

சமீபத்தில் அவர் பேசுகையில், தில் இருந்தா விஜய்யை சிவகார்த்திகேயன் கூட படத்தை ரிலீஸ் பண்ண சொல்லுங்க. சிவகார்த்திகேயன் தான் வளர்ந்து வரும் சூப்பர் ஸ்டார் என்று கூறியுள்ளார்.

இந்த விவகாரம் பெரும் சர்ச்சையை கிளப்பியுள்ளது.