அஜித் படமா..? இந்தா எடுத்துக்கோங்க..! - "வலிமை" தலைப்பை விட்டுக்கொடுத்த பிரபலம்..!

நடிகர் அஜித் நடிப்பில் இயக்குனர் ஹெச்.வினோத் இயக்கத்தில் உருவாகவுள்ள திரைப்படம் "வலிமை". இது அஜித்திற்கு 60-வது படமாகும். இந்த படத்தை தலைப்பை பார்த்த பலருக்கும் அதிர்ச்சியாக தான் இருந்திருக்கும். 

வலிமை என்பது வழக்கமாக உபயோகப்படுத்தப்படும் ஒரு சொல். இதனை இன்னுமாக படத்திற்கு தலைப்பாக வைக்காமல் இருகிறார்கள் என்று பலரும் யோசித்திருப்பார்கள். 

ஆம், வலிமை என்ற தலைப்பில் இதுவரை எந்த படமும் வெளியாகவில்லை. ஆனால், வேறொரு தயாரிப்பாளரால் பதிவு செய்யப்பட்டுள்ளது. படத்தின் கதைக்கு மிகவும் பொருத்தமான தலைப்பாக இருக்க வேண்டும் என்று எண்ணிய இயக்குனர் ஹெச்.வினோத் "வலிமை" என்ற தலைப்பை தேர்ந்தெடுத்து யாரேனும் பதிவு செய்துள்ளார்களா..? என்று தேடியுள்ளார். 

அந்த தலைப்பை, தயாரிப்பாளர் செல்வகுமார் பதிவு செய்து வைத்திருந்துள்ளார். இவர், திருடன் போலீஸ், ஒரு நாள் கூத்து, ப்ரூஸ் லீ, உள்குத்து, சர்வர் சுந்தரம், வான் ஆகிய படங்களை தயாரித்துள்ளார். 

அவரை அணுகி "வலிமை" தலைப்பை கேட்டுள்ளார் ஹெச்.வினோத். அஜித் படத்திற்கு என்றதும் மகிழ்ச்சியாக தலைப்பை விட்டுக்கொடுத்துள்ளார் தயாரிப்பாளர் செல்வகுமார்.