உறுதியானர் "வலிமை" படத்தின் ஹீரோயின்..! - ஹாட் & லேட்டஸ்ட் அப்டேட்..!

நேர்கொண்ட பார்வை படத்தைத் தொடர்ந்து நடிகர் அஜித் மீண்டும் ஹெச் வினோத்துடன் கூட்டணி அமைத்துள்ளார். இந்த படத்தையும் தயாரிப்பாளர் போனி கபூரே தயாரிக்கிறார். 

இதற்காக அஜித் சால்ட் அன்ட் பெப்பர் லுக்கில் இருந்து புது கெட்டப்பில் மாறியுள்ளார்.தல- இன் 60 ஆவது படமான இந்த படத்திற்கு வலிமை என பெயரிடப்பட்டுள்ளது. 

இந்த படத்தில் அஜித் போலீஸ் அதிகாரியாக நடிக்கவுள்ளார். போலீஸ் அதிகாரி கேரக்டர் என்பதால் கார் சேசிங் காட்சிகள் படத்தில் அதிகம் இருக்கும் என்று தெரிகிறது. இதனால் ஹாலிவுட் கலைஞர் ஹென் கோலின்ஸ் என்பவரை படக்குழு அணுகியுள்ளதாம். 

இவர் ஜேம்ஸ் பாண்ட் படத்திற்கு கார் சேசிங் காட்சிகளை அமைத்து கொடுத்தவர். இதனால் வலிமை படத்தில் பிரம்மாண்டமான கார் சேசிங் காட்சிகள் இருக்கும் என்று எதிர்பார்க்கப்படுகிறது. 

மேலும், இந்த படத்தில் அஜித்திற்கு ஹீரோயினாக நடிக்க நடிகை ரகுல் பரீத் சிங்கை படக்குழு அணுகியுள்ளது. அஜித் படம் என்றதும் கதையே கேட்காமல் ஒகே சொல்லியிருகிறார் ரகுல் பரீத் சிங். 

மேலும், இயக்குனர் ஹெச்.வினோத் இயக்கிய தீரன் அதிகாரம் ஒன்று படத்திலும் நடித்திருந்தார் ரகுல் பரீத் சிங். இந்த படத்தின் மூலம் தமிழில் நல்ல அறிமுகம் பெற்றார் அம்மணி. இதுவும், படத்தின் கதையை கேட்காமல் நடிக்க ஒப்புக்கொண்டதற்கு ஒரு காரணம் என்கிறார்கள் விவரம் அறிந்தவர்கள்.

எனினும், இவர் தான் ஹீரோயின் என்ற எந்த அறிவிப்பையும்படக்குழு இன்னும் வெளியிடவில்லை. 2020 ஜனவரி மாதம் தான் படம் குறித்த முழு அறிவிப்பையும் படக்குழு வெளியிடும் என கூறுகிறார்கள்.